Marketing with Ahmed

كتاب مجاني من أحمد سمير

حمل كتاب من التنسيق للتسويق ببلاش

المجموع بيحدد أول كلية هتدخلها. مش بيحدد انت هتوصل لفين.

«من التنسيق للتسويق» دليل عملي لخريجي الثانوية العامة اللي عايزين يدخلوا مجال التسويق، مهما كانت الكلية اللي دخلوها.

حمل الكتاب ببلاش

ببلاش بالكامل، PDF من غير اشتراك ولا دفع. عايز نسخة EPUB؟ هتلاقيها على BookCloud. ولو بتقرا على الكيندل هتلاقيه على أمازون.

غلاف كتاب من التنسيق للتسويق

الكتاب ده لمين؟

لو انت طالب

خلصت الثانوية العامة وحاسس ان المجموع قفل عليك الطريق، أو داخل كلية مش عارف هتوصلك لفين. الكتاب ببلاش، وهيقولك كل كلية بتوصلك للتسويق منين وتبدأ تتعلم من النهارده.

لو انت ولي أمر

عايز تطمن ان فيه طريق حقيقي غير «كليات القمة». حملوه ببلاش واقروه مع ابنكم. فيه خطة واضحة لأول سنتين، وكلمة مكتوبة مخصوص للأهالي عن ضغط فترة التنسيق.

ملخص الكتاب

الكتاب خمس أجزاء و23 فصل، وفي آخر كل فصل «خطوة النهارده»، مهمة صغيرة تعملها في نفس اليوم. ده ملخص كل جزء.

الجزء الأول

قبل ما تختار

المجموع بيقيس مجهود سنة واحدة، ومابيقولش انت شاطر في ايه. الجزء ده بيساعدك تفصل بين الضغط اللي حواليك وقرارك انت، ويشوف معاك أنهي نوع شغل في التسويق شبه شخصيتك، وتعمل ايه لو المجموع جه أقل من اللي كنت مستنيه.

الجزء التاني

أي كلية تنفع

تجارة، اعلام، آداب، حاسبات، فنون تطبيقية، سياحة، ونظم معلومات. كل كلية بتديك حاجات وبتنقصك حاجات، والجزء ده بيقولك تكمل الناقص ازاي من أول سنة. ولو عايز التفاصيل، اقرا تنسيق إدارة الأعمال والفنون التطبيقية وسياحة وفنادق.

الجزء التالت

اتعلم صح

ازاي تتعلم من يومك العادي، وأهم المصادر المجانية زي Google Skillshop وHubSpot Academy، وتقرا أنهي كتاب الأول. وكمان امتى الشهادة بتفرق فعلا، وتعمل ايه في الفراغ اللي بييجي بعد ما تخلص كورس.

الجزء الرابع

ادخل الشغل

التسويق فيه وظايف كتير، فالجزء ده بيبدأ بانك تختار مسار واحد. بعدها خطة تلات شهور لأول شغلانة، وازاي تعمل بورتفوليو من غير خبرة، وتبني اسمك على LinkedIn، وخمس مقابلات اترفضت فيها واتعلمت منها.

الجزء الخامس

فكر زي مسوق فاهم

الفرق بين البراند والتسويق والاعلان، وده هيخليك تتكلم في أول انترفيو زي حد بقاله سنين في المجال. وكمان ازاي تعدي سنين التوهان بعد التخرج، وامتى تكمل في طريق وامتى تسيبه.

حمل الكتاب ببلاش

الكتاب كامل بصيغة PDF، تقراه على الموبايل أو اللابتوب. ولو عايز EPUB حمله من BookCloud.

حمل الـ PDF ببلاش

من الكتاب

«شهادة الكورس بتقول للشركة انك مهتم، لكنها مابتقولش انك بتعرف تشتغل.»
«أغلب اللي بيشغلوا ناس في المجال بيسألوا انت تعرف تعمل ايه، ونادرا ما بيسألوا دخلت الكلية بكام.»
«لو مشيت ورا اسم الكلية، كان المفروض أبقى مدرس انجليزي.»
صورة أحمد سمير

عن الكاتب

أحمد سمير اتخرج من كلية التربية قسم انجليزي، وبدأ في التسويق سنة 2011 من صفحة سوشيال ميديا لشركة انتاج. سنة 2016 سافر ألمانيا وأخد شهادة في تدريب الـ Design Thinking. اشتغل في أماكن كتير منها Jobzella، وهو دلوقتي مسؤول عن البراند والاتصال في شركة برمجيات. عمل موقع Marketing with Ahmed عشان يساعد اللي لسه بيبدأوا.

أسئلة بتتسأل كتير

مجموعي قليل، الكتاب هيفيدني؟

أيوه. فيه فصل كامل عن الطرق التانية لو المجموع جه أقل من المتوقع، زي المعاهد والدبلومات، ومعاه خطة لأول سنتين.

الكتاب ببلاش فعلا؟

أيوه. نسخة PDF بتتحمل من الصفحة دي على طول، ونسخة EPUB ببلاش على BookCloud. ولو بتحب تقرا على الكيندل، الكتاب موجود على أمازون وكوبو كمان.

الكتاب مكتوب بالفصحى؟

لأ، مكتوب بلغة بسيطة قريبة من الكلام العادي، عشان يتقري بسهولة.

ينفع لو أنا في الجامعة خلاص؟

ينفع. الجزء التالت والرابع عن التعلم والدخول لسوق العمل، ودول مفيدين في أي سنة.

حمل الكتاب ببلاش وابدأ طريقك النهارده

حمل الكتاب ببلاش

شارك هذا الموضوع:

معجب بهذه:

إعجاب جاري التحميل…